Æfing í dag, þriðjudag

Hlakka ekkert smá til að sjá ykkur á æfingu í dag, stelpur mínar.

Eyþór 

Föstudagsvinna!

Gott kvöld gæskur.
Það ætti nú ekki að hafa farið framhjá ykkur að það er sannarlega vörutalning í húsasmiðjunni um helgina, og nú vantar 2-4 á föstudaginn.
Laugardagurinn er nokkurveginn koveraður. En ef það eru e-r sem vilja fara þá, þá megiði endilega gefa ykkur fram.

Föstudagsvaktin er frá 17-21 og því styttri en laugardagsvaktin, kommon, hvern langar ekki að hanga í húsasmiðjunni á föstudagskvöldi?
Þær sem eru komnar á föstudag eru eftirtaldar:
Bergrún, Hulda H, Sigurbjörg, Matthildur, Sunna og Berglind Lilja, Berglind Halla, Brynja og kannski Jóhanna.

Á laugardeginum (frá 12-18) verða þessar:
Berglind Lilja, Bergrún, Sunna, Brynja, María,  og kannski 2 enn.

Sjálfboðaliðar?

Er það ekki alltaf svo gefandi, að stunda sjálfboðastörf ...

-Bergrún.

Vörutalning 7-8.mars

Þær sem hafa ekki enn mætt í vörutalningu eru:

Berglind Lilja, Bergrún, Bjarney, Brynhildur, Brynja, Guðrún Hanna, Hulda Björk, Hulda Hólmkels og Sunna.  En það vantar að sjálfsögðu fleiri þannig að þið verðið að smala saman í góðan hóp og hafa það gaman saman í vinnu um næstu helgi.

Athugið að það verður enginn kleinudagur í mars, þess vegna er mikilvægt að mæta núna.

kv.Rósa

Helgarvinna-jibbííj

Jæja stelpur, þá býðst ykkur enn og aftur að vinna ykkur inn pening í ferðasjóð.  Húsasmiðjan hefur verið svo frábær að gefa ykkur kost á vörutalningu um næstu helgi 7-8.mars.  Ath.að þessi talning er að gefa meira af sér en einn kleinudagur.  Það eru 8-9 stelpur sem eiga eftir að mæta í vörutalningu og við óskum sérstaklega eftir að þær gefi kost á sér.  Til að fylla uppí þessar tvær vaktir verðum við samt að biðja um nokkrar duglegar stelpur til viðbótar.  Hugsið málið yfir helgina, og þið megið gjarnan melda ykkur hér í athugasemdir.  Við þurfum að svara á þriðjudag hvort þið getið tekið þetta að ykkur. 

Vaktirnar eru á föstudag 7.mars kl. 17-21 og á laugardag 8.mars kl. 12-18

Góða helgi

Messa 2 mars

Jæja stelpur...! Það er messa á sunnudaginn og það er mæting kl. 10 um morguninn, það verður æfing þá og messa kl. 11! Allar að mæta  

 

 

kemst ekki

Hæhæ kemst því miður ekki á æfingu er bæði að fara á skólahreysti kl. 18:00.

Og próf á morgun. -valdís  

Hæ

því miður kemst ég ekki á æfingu í dag vegna óviðráðanlegra aðstæðna

kv.Elfur Sunna

Komumst ekki -

Vegna skólahreystis klukkan 18:00 þá munum við, Bergrún, Bogga, Hulda, Matthildur, Margrét og Elín Dóra ekki koma á æfingu.

Frí á þriðjudag

þið voruð svo duglegar um helgina að þið fáið frí á morgun, þriðjudag.  En ef þið viljið hittast þá er ykkur velkomið að gera það, sund eða kaffihús, boltinn er hjá ykkur :)

Þær sem eiga eftir að skila pening vegna sölu á kleinum, happdrætti eða wc pappír mega gjarnan mæta í fyrra lagi á fimmtudaginn svo við truflum ekki æfinguna.

kv.Rósa

Takk, takk, takk.....

Vildi bara láta ykkur vita að kleinudagurinn gekk mjög vel.  Við vorum búin að þrífa og ganga frá fyrir kl.12 á hádegi!  Kærar þakkir til allra þeirra sem mættu.  Og stelpur, þið sem fóruð í Bónus, Hrísalund og Húsasmiðjuna, þið stóðuð ykkur frábærlega, takk fyrir að vera svona duglegar.  Og Magga og Hanna Dísa, takk fyrir að taka restina og koma henni í sölu .  Þið sem eigið eftir að skila inn pening vegna heimasölu, komið bara með peninginn á næstu æfingu.  Við seldum samtals 202 poka og reiknið þið nú

bestu kveðjur frá kleinukonunum