1. júní

Hæ stelpur mínar

Vortónleikar okkar verða sunnudaginn 1. júní kl. 16.

kveðja,

Eyþór

sýningar

Það er sýning 1 júní en hún er kl 20:00 voruði ekki að pæla í að hafa tónleikana kl 5 .. er það ekki c.a klt..? ætti það ekki að geta gengið?
kv hafdis

Tapað-fundið

Eftir myndatökuna í gær varð eftir einn bolur í S- stærð.  Getur verið að einhver ykkar hafi tekið heim nýjan bol sem kórinn á í L-stærð í stað þessa litla?  Held það vanti nefnilega einn þeirra sem við lánuðum í gær.  Einhver gleymdi bleikri tösku sem við settum inní kjólaskápinn ykkar.  Svo lýsi ég eftir svartri puma-tösku sem notuð var við kleinusölu fyrr í vetur.  Ef einhver ykkar er með hana má gjarnan skila henni til Helenar á næstu æfingu.  Takk fyrir, Rósa

Kórkjólar og bolir

Kæru stúlkur.

Mig langar til að ítreka við ykkur að hugsa vel um kjólana ykkar og bolina. Það má þvo kjólana á 30° ca.600 snúninga vindingu og bolina á 40° fulla vindingu. Kjólana má síðan pressa en passa að nota alltaf stykki til að pressa með annars geta komið leiðinlegir glansblettir á kjólana.Það er ykkur  til sóma að líta vel og snyrtilega út á öllum tónleikum ekki satt sérstaklega þar sem þið eruð jú flottastar. Munið bara að huga tímanlega að þessu. Þórdís lætur svo vita þegar bolirnir eru komnir fyrir þær ykkar sem vantar þá, það er alveg nauðsynlegt að hafa minnst 2 boli með í ferðina það ætti að duga. Best er að pakka kjólum og bolum niður í ferðatöskur með því að brjóta þá til helminga og rúlla þeim síðan upp. Svo vona ég að þessar uppl. komi að gagni með kærri kv. Inga Salóme

Myndataka

hæ stelpur, bara að minna á myndatökuna í dag, kórkjólana og hvítu bolina.

Tónleikar

Hæ og takk fyrir yyndislega æfingu áðan

 Vegna skólaferðalags í Brekkuskóla verðum við að færa vortónleika okkar, þ.e. ef hægt er.  Er eitthvað því til fyrirstöðu að við getum flýtt tónleikunum um einn dag, haldið þá laugardaginn 24. maí kl. 17?  Svarið ef þið komist ekki þá

Eyþór

MIKILVÆGT - FIMMTUDAGURINN 15. !

Takk fyrir sönginn á Hvítasunnudagskvöld stelpur, þið voruð yndislegar.  Hlakka til að fá að fara með ykkur til Þýskalands, eftir 24 daga!

En nú er mikilvægt að allir mæti á næstu fimmtudagsæfingu.  Þá ætlar Rúnar ljósmyndari að koma kl.17 og taka hópmynd af ykkur í kórkjólunum og svo líka eina frjálslega og flippaða þar sem þið verðið í ykkar eigin fötum.  Þannig að mætið endilega fínar og vel greiddar þennan dag  og ekki gleyma kórkjólunum....... og minnið pabba og mömmu á fundinn!

Kl. 18 verður svo ferðakynningarfundur með ykkur og foreldrum ykkar þar sem farið verður yfir dagskrá ferðarinnar, peningamál og margt fleira.  Þá fáið þið líka að vita hvað hver og ein þarf að borga í viðbót.  Við fararstjórarnir ætlum að bjóða uppá smáveitingar á fundinum og hver veit nema að þið stúlkur syngið eitthvað fallegt fyrir okkur

Sjáumst því stundvíslega fimmtudaginn 15.maí kl. 16:55 !!!

kveðja,  Rósa

BESTAR!!!

Elsku stelpur og kórstjóri. Þið eruð best! Var í kirkjunni á Hvítasunnukvöld , og þvílíkur sælustraumur sem um mig fór við að heyra í ykkur. Þið munuð án efa eiga eftir að slá í gegn í ferðinni ykkar, það  verður skrítið að vera ekki með ykkur þar. Kveðja Þórdís.

Æfingar

Munið að mæta tímalega...helst 10 mín í 5 á æfingar því annars tefur það alltaf fyrir hinum að mæta ekki á réttum tíma!

 

Breyttir mætingatímar um helgina

Vegna fáránlega lélegrar mætingar á æfingu í gær breytast mætingatímar ykkar um helgina:

Á morgun, laugardag er mæting í kirkjunni kl. 9.15.  Ekki mínútu síðar og þið verðið að vera tilbúnar, í kjólum og alles.

Á sunnudagsmorgun er mæting kl. 9.30

Á sunnudagskvöld er mæting kl. 17.30!  Æfing fram að messu sem byrjar kl. 20.

 Nú þurfið þið sem illa hafið mætt að fara að hugsa ykkar gang.  Ég er orðinn pirraður, sérstaklega þegar ekki er látið vita.  Ég var búinn að boða einsöngvararnn sem syngur með ykkur á sunnudagskvöld á æfinguna í gær, en að sjálfsögðu gagnaðist það ekki að fullu, þar sem rétt rúmlega þriðjungur af kórnum mætti.

Ég er að fara með ykkur í tónleikaferð í júní, tónleikaferð þýðir að það verður sungið. Til að syngja verður kórinn að kunna.  Til að kunna verður að æfa! 

Nú gengur ekkert hangs.  Ég endurtek það sem áður hefur komið fram: Skyldumæting á sunnudag nema þið hafið mjög góðar ástæður til að mæta ekki.  Síðan verðið þið einfaldlega að líta upp úr prófalestrinum og mæta á æfingar, fórna íþróttaæfingum fyrir kóræfingar o.s.frv.

Eyþór (reiður eins og stendur)